ວາງລະບົບໃຫ້ທຸລະກິດດຳເນີນໄປໄດ້ໃນໂຕຂອງມັນເອງ ລະບົບນັ້ນສຳຄັນຫຼາຍ ລະບົບທີ່ດີຈະດຶງດູດຄົນເກັ່ງໆເອງ

timer


ຂ້ອຍເຮັດທຸລະກິດມາຫຼາຍຢ່າງ ເຫັນຂໍ້ໜຶ່ງທີ່ສຳຄັນຫຼາຍໃນການເຮັດທຸລະກິດໃຫ້ເຕີບໃຫຍ່ຢ່າງໝັ້ນຄົງ ນັ້ນຄືການວາງລະບົບໃຫ້ທຸລະກິດດຳເນີນໄປໄດ້ໃນໂຕຂອງມັນເອງ ລະບົບນັ້ນສຳຄັນຫຼາຍ, ລະບົບທີ່ດີຈະດຶງດູດຄົນດີໆເຂົ້າມາອົງກອນ ຫຼາຍບໍລິສັດທີ່ມັກປະໝາດຄິດວ່າໂຕເອງເຮັດເອງໄດ້ໝົດ ແລ້ວກໍ່ບໍລິຫານທຸລະກິດແບບຄອບຄົວ ໃຫ້ຄົນໃນຄອບຄົວທີ່ບໍ່ມີປະສົບການມາເຮັດວຽກ, ບໍ່ມີການວາງແຜນ ໃນຕອນທຳອິດນັ້ນມັນຈະເບິ່ງຄືວ່າພໍໄດ້ໄດ້ ແຕ່ໃນໄລຍະຍາວທຸລະກິດຄອບຄົວກໍ່ຕ້ອງໄດ້ສູ້ກັບທຸລະກິດທີ່ເຂົາມາເປັນລະບົບ

ລອງນຶກພາບຖ້າເຈົ້າຂອງຮ້ານມິນິມາກນ້ອຍໆທີ່ຂາຍເຄື່ອງແຫ້ງທົ່ວໄປ ແລ້ວມື້ໜຶ່ງຮ້ານເອັມພ້ອຍມາກ ຫຼື Jiffy, U-express ມາຕັ້ງສາຂາຢູ່ຂ້າງຮ້ານເຈົ້າ ເຈົ້າຈະຄິດໜັກທັນທີ່ ຜົນກໍ່ຄືຍອດຂາຍຈະຄ່ອຍໆຕົກລົງ ເພາະຮ້ານເຫຼົ່ານີ້ເຂົາມີລະບົບ, ຮ້ານເຈົ້າອາດຈະປິດ 8 ໂມງ, ມື້ໃດເມື່ອຍກໍ່ປິດໄວກວ່າຫັນ ແຕ່ຮ້ານທີ່ມີລະບົບບໍລິຫານຈັດການ ເຂົາມີເວລາປິດທີ່ຊັດເຈນ, ທຸກຄົນເຮັດວຽກຕາມລະບົບ ບໍ່ມາວຽກກໍ່ຖືກຕັດເງິນເດືອນ, ລາຄາສິນຄ້າໃນຮ້ານຂອງເຂົາອາດຈະແພງກວ່າຮ້ານເຈົ້າ ເພາະຕ້ອງຈ່າຍໃຫ້ກັບການໃຊ້ລະບົບ ແຕ່ກຳໄລໜ້ອຍດຽວຂອງລະບົບນັ້ນໝັ້ນຄົງກວ່າ ເຮົາເຄີຍສົງໄສບໍ່ວ່າເປັນຫຍັງຮ້ານມິນິມາກເຫຼົ່ານີ້ເຂົາສາມາດຂະຫຍາຍສາຂາໄດ້ໄວ ແລະ ຫຼາຍກວ່າຮ້ານທົ່ວໄປ?

 

ນັ້ນກໍ່ເພາະວ່າຮ້ານເຫຼົ່ານີ້ສາມາດກູ້ຢືມເງິນຈາກທະນາຄານມາຂະຫຍາຍທຸລະກິດໄດ້ ເຊິ່ງສາເຫດທີ່ວ່າເຂົາກູ້ໄດ້ນັ້ນກໍ່ຍ້ອນທຸກໆທ້າຍເດືອນເຂົາສາມາດສະຫຼຸບບັນຊີທຸກຢ່າງອອກມາເປັນໂຕເລກໝົດ ເປັນທຸລະກິດທີ່ສາມາດຄາດການໄດ້, ການທີ່ທຸລະກິດມີລະບົບມັນຈະເຮັດໃຫ້ເຈົ້າຂອງທຸລະກິດວາງແຜນໄດ້ໄລຍະຍາວວ່າຈະເຮັດຫຍັງໄດ້ແນ່

 

ເຈົ້າອາດຈະເລີ່ມສົງໄສແລ້ວວ່າແລ້ວອັນລະບົບທີ່ຂ້ອຍວ່າມານີ້ມັນແມ່ນຫຍັງ? ລະບົບຄືການສ້າງໂຄງສ້າງໃຫ້ກັບອົງກອນບໍ່ວ່າຈະເປັນ ໂຄງສ້າງບຸກຄະລາກອນ, ໂຄງສ້າງບໍລິຫານ, ການຕັດສິນໃຈ, ໂຄງສ້າງລາຍຮັບລາຍຈ່າຍ, ເຮັດໂລໂກ້, ຄິດສະໂລແກນ, ຕັ້ງເປົ້າໝາຍຍອດຂາຍ ໃນຕ່າງປະເທດເຂົາຈະມີບໍລິສັດທີ່ສາມາດວາງລະບົບນີ້ໃຫ້ໄດ້ແບບຄົບວົງຈອນ ເພາະເມື່ອເຮົາມີໂຄງສ້າງຄົບແລ້ວເຫຼືອນັ້ນເຈົ້າກໍ່ພຽງນຳໂຄງສ້າງໄປໃຊ້ ແລ້ວລະບົບມັນກໍ່ຈະເກີດ, ເຈົ້າກໍ່ຈະຕ້ອງໄດ້ຈ້າງຄົນເຂົ້າມາເຮັດວຽກແທນໃນຕຳແໜ່ງທີ່ເປັນວຽກເຮັດປະຈຳວັນ, ປ່ອຍໃຫ້ຄົນອື່ນເຂົ້າມາຊ່ວຍທ່ານໃນການຕັດສິນໃຈໃນເລື່ອງນ້ອຍໆ ໃນການຕັດສິນໃຈບັນຫາໃຫຍ່ອາດຈະຍັງຄົງໄວ້ທີ່ໂຕເຈົ້າຂອງທຸລະກິດ

 

ຫຼາຍຄົນອາດຈະຄິດໃນແງ່ລົບທີ່ວ່າ ເມື່ອຈ້າງຄົນມາເຮັດວຽກແທນແລ້ວເຮົາຈະໄວ້ໃຈເຂົາເຈົ້າໄດ້ແນວໃດ? ຖ້າໄປຖາມເຈົ້າຂອງເອັມພ້ອຍມາກຫຼືເຈົ້າຂອງ Jiffy, U-Express ຂ້ອຍຄິດວ່າເພິ່ນກໍ່ບໍ່ໄດ້ໄວ້ໃຈໃຜຄືກັນ ແຕ່ເຂົາສ້າງໃຫ້ລະບົບນັ້ນເປັນໂຕປ້ອງກັນບັນຫາທີ່ຈະເກີດຂຶ້ນ ຖ້າເຈົ້າຢ້ານເຂົາລັກເຄື່ອງກໍ່ຕ້ອງເຮັດລະບົບສາງ, ລະບົບກວດສອບເຄື່ອງເຂົ້າອອກໃຫ້ຮັດກຸມ, ຖ້າຢ້ານຝ່າຍຈັດຊື້ກິນຄ່າຫົວ ກໍ່ອາດຈະຕ້ອງໃຫ້ບັນຊີເຂົ້າມາກວດສອບເງິນເຂົ້າອອກຊ່ວຍ, ແຕ່ບໍ່ແມ່ນວ່າຢ້ານເຂົາລັກເຄື່ອງແລ້ວເຈົ້າຈະຍົກເລິກການໃຊ້ລະບົບແລ້ວມາເຮັດເອງຫຼືໃຫ້ພີ່ນ້ອງມາເຮັດແບບເກົ່າ

 

ການທີ່ແຈັກມ່າສາມາດສ້າງບໍລິສັດອິນເຕີເນັດໄດ້ຈາກການພຽງຄູສອນໜັງສື ກໍ່ຍ້ອນລາວໄດ້ຄົນເກັ່ງໆເຂົ້າມາໃນອົງກອນແລ້ວວາງລະບົບໃຫ້ເປັນຢ່າງດີ

ເພາະຖ້າລອງມາຄິດແລ້ວ ເມື່ອລະບົບທີ່ເຈົ້າສ້າງມັນເລີ່ມໄປໄດ້ດ້ວຍໂຕມັນເອງ ເຈົ້າເອງກໍ່ບໍ່ຕ້ອງເຮັດວຽກໜັກອີກຕໍ່ໄປ ຖ້າຈະມີລັກເຄື່ອງເກີດຂຶ້ນກໍ່ໃຫ້ມັນເກີດໃນຈຳນວນທີ່ໜ້ອຍທີ່ສຸດ ເພາະບໍ່ມີລະບົບໃດໃນໂລກທີ່ສົມບູນແບບ ຄືກັບຮ້ານ ເຊເວັນອີເລເວັ້ນໃນໄທທຸກປີເຂົາກໍ່ຖືກລັກເຄື່ອງໃນຮ້ານຫຼາຍລ້ານບາດ ແຕ່ກຳໄລເຂົາປີໜຶ່ງຫຼາຍພັນລ້ານບາດ ເຂົາເລີຍບໍ່ໄດ້ຄິດວ່າມັນຈະເປັນເລື່ອງໃຫຍ່ຫຍັງ

.

.



ຫຼາຍຄົນທີ່ຍັງບໍ່ເຂົ້າໃຈມັກຈະຄິດວ່າການບໍລິສັດ ຫຼື ອົງກອນໃດໜຶ່ງຈະປະສົບຜົນສຳເລັດຕ້ອງມີເງິນ, ມີຊັບພະຍາກອນເຊິ່ງບໍ່ແມ່ນຄວາມຈິງ ສິ່ງທີ່ສຳຄັນທີ່ສຸດໃນອົງກອນໃດໜຶ່ງຄື "ຜູ້ນຳ" ຂອງອົງກອນນັ້ນຕ່າງຫາກ

"ຜູ້ນຳ" ທີ່ເກັ່ງຄືຄົນທີ່ມີຝືມືດ້ານ "ບໍລິຫານຈັດການ" ເພາະເຂົາຄືຜູ້ຕັດສິນໃຈໃນສີ່ງທີ່ສຳຄັນທີ່ສຸດຂອງອົງກອນ ແລ້ວຖ້າຫາກເຈາະເລິກເຂົ້າໄປໃນຫົວໃຈຂອງການບໍລິຫານແລ້ວ ຜູ້ນຳທີ່ເກັ່ງຄືຜູ້ທີ່ສາມາດໃຫ້ເຮັດຄົນຂອງໂຕເອງໃຫ້ກ້າວໄປໃນທິດທາງດຽວກັນໄດ້ຢ່າງສາມັກຄີ

ໃນປື້ມຫົວໃໝ່ລ່າສຸດຂອງຂ້ອຍນີ້ໄດ້ວິເຄາະຢ່າງລະອຽດເຖິງສິ່ງທີ່ເຮັດໃຫ້ນັກບໍລິຫານປະສົບຄວາມສຳເລັດ ບໍ່ວ່າຈະເປັນນິໄສສ່ວນໂຕ, ແນວຄິດ, ການເວົ້າ ເຂົາທຸກຄົນເຫຼົ່ານີ້ລ້ວນແຕ່ເລີ່ມຈາກສູນ

ນີ້ຄືປື້ມ "ຄິດແບບນັກບໍລິຫານ" 30 ບົດຄວາມຂອງນັກບໍລິຫານ ແລະ ນັກທຸລະກິດ ຫົວລະ 46,000 ກີບ 

ມີຈຳໜ່າຍດັ່ງນີ້:
- ຮ້ານເອັມພ້ອຍມາກທຸກສາຂາ
- ຕະຫຼາດເຊົ້າຕຶກເກົ່າ
ຮ້ານຂາຍປຶ້ມ ດອກເກດ Dokked Bookshop and Publishing
- ຮ້ານກາເຟ True coffee Vientiane ທຸກສາຂາ
- ຮ້ານ Bookshop ດົງໂດກ
- ສຳນັກພິມຈຳໜ່າຍແຫ່ງລັດ

- ຮ້ານໂຕໜອນໜັງສື Tonone book store ຮ້ານໂຕໜອນຫນັງສື
- ຮ້ານ King Minimart ໃນໂຮງໝໍເສດຖາ

- ຮ້ານ The City Coffee

- ຮ້ານ Coffee Today

ສັ່ງຊື້ໄດ້ ສົ່ງເຖິງທີ່ທົ່ວນະຄອນຫຼວງວຽງຈັນ ທີ່ເບີ 030 4732614, 020 58613117, 020 54543789

 


ສ້າງຊີວະປະຫວັດ at cvConnect

ເພື່ອໃຫ້ທ່ານມີໂອກາດໄດ້ວຽກງານເພີ່ມຂຶ້ນ ຝາກປະຫວັດໄວ້ນຳພວກເຮົາ
ພຽງໃຊ້ເວລາ 5 ນາທີໃນການກອກປະຫວັດ

mode_edit ສ້າງປະຫວັດເລີຍ

search ຄົ້ນຫາພະນັກງານ

ຄົ້ນຫາປະຫວັດພະນັກງານທີ່ນ່າສົນໃຈ ແລ້ວເອິ້ນສຳພາດດ້ວຍໂຕທ່ານເອງ ຈົນກວ່າຈະຖືກໃຈ ສາມາດຄົ້ນຫາພະນັກງານທັງໝົດທີ່ເຮົາມີ