ບົດສຳພາດ ທ່ານ ວິຊາທອນ ໂງ່ນວໍຣະຣາດ ຜູ້ບໍລິຫານ ອິນຊາຍ ບໍລິການ In sign Service

timer

remove_red_eye 0 views


cvConnect.la - ບົດສຳພາດ ທ່ານ ວິຊາທອນ ໂງ່ນວໍຣະຣາດ ຜູ້ບໍລິຫານ ອິນຊາຍ ບໍລິການ In sign Service

ມື້ນີ້ທີມງານຊີວີຄອນເນັກ ໄດ້ມີໂອກາດເຂົ້າມາສຳພາດ ທ່ານ ວິຊາທອນ ໂງ່ນວໍຣະຣາດ ຜູ້ບໍລິຫານ In sign Service ອິນຊາຍ ບໍລິການ ເຊີ່ງເປັນຮ້ານປ້າຍນ້ອງໃຫມ່ໃນປະຈຸບັນ ເຮົາມາຮູ້ຈັກ ອິນຊາຍ ໃຫ້ຫລາຍຂື້ນຜ່ານບົດສຳພາດນີ້ເລີຍ.

1. ຈຸດປະສົງໃນການເປີດທຸລະກິດນີ້ , ເປີດມາໄດ້ດົນປານໃດແລ້ວ ແລະ ເປັນຫຍັງຈື້ງຕ້ອງໃສ່ຊື່ວ່າ ອິນຊາຍ ບໍລິການ ?

ຍ້ອນຄວາມມັກຮັກໃນການອອກແບບເພາະຮຽນຈົບມາທາງດ້ານນີ້ເຖິງວ່າຈະບໍ່ໄດ້ກ່ຽວຂ້ອງກັນ100%ກໍ່ຕາມ ແຕ່ເຮັດດ້ວຍຄວາມມັກຮັກ ແລະ ແນມເຫັນທຸລະກິດນີ້ທີ່ກຳລັງພັດທະນາເພາະບ້ານເຮົາກໍ່ຍັງຂາດແຄນສື່ໂຄສະນາຫລາຍ ແລະ ວົງການຂອງສື່ໂຄສະນາຍັງຕ້ອງໄດ້ກ້າວໄປໄກ, ດັ່ງນັ້ນ ຈື່ງໄດ້ຕັດສິນໃຈເຂົ້າມາຮ່ວມໃນວົງການປ້າຍ.

ອິນຊາຍເປີດໃຫ້ບໍລິການມາໄດ້ 4ປີແລ້ວ ແລະ ເຫດຜົນທີ່ໃສ່ຊື່ວ່າ ອິນຊາຍ ເຊີ່ງມີຄວາມຫມາຍທີ່ວ່າ: In ກະຄືເຈົ້າອິນກັບສິ່ງນັ້ນສິ່ງນີ້ ສ່ວນຄຳວ່າ Sign ແມ່ນຫຍໍ້ມາຈາກຄຳວ່າ Design ກໍ່ເລີຍມາເປັນຊື່: In sign service 

2.  ແມ່ນຫຍັງເປັນຈຸດເດັ່ນຂອງອິນຊາຍທີ່ເຮັດໃຫ້ລູກຄ້າເຂົ້າມາໃຊ້ບໍລິການ ? ແລະ ກຸ່ມລູກຄ້າແມ່ນກຸ່ມປະເພດໃດ ?

ສິ່ງທີ່ເປັນຈຸດເດັ່ນທີ່ເຮັດໃຫ້ລູກຄ້າມາໃຊ້ບໍລິການທີ່ ອິນຊາຍ ກໍ່ຄື: ການບໍລິການທີ່ວ່ອງໄວ ແລະ ຄຸນນະພາບ, ສ່ວນກຸ່ມລູກຄ້າກໍ່ແມ່ນກຸ່ມລູກຄ້າທົ່ວໄປ

3. ບັນຫາທີ່ພົບພໍ້ໃນການເຮັດທຸລະກິດນີ້ມາມີຫຍັງແນ່ ? ແລະ ແກ້ໄຂແນວໃດ ?

  1. ບັນຫາຫລັກໆກໍ່ຄືເລື່ອງຂອງລະບົບພາຍໃນດ້ານສີມືແຮງງານ ແລະ ການຫມູນວຽນຂອງແຮງງານ.
  2. ບັນຫາເລື່ອງນະໂຍບາຍຂອງພັກລັດກ່ຽວກັບຜູ້ປະກອບການ SMEs ພາຍໃນເຊີ່ງຢາກໃຫ້ທາງພາກລັດ ຫລື ອົງການທີ່ກ່ຽວຂ້ອງເບີ່ງແຍງຕື່ມ.

ການແກ້ໄຂບັນຫາທີ່ເກີດຂື້ນໃນອົງກອນແມ່ນຈະມີການຝຶກອົບຮົມພະນັກງານ ເພື່ອໃຫ້ພະນັກງານເຂົ້າໃຈເຖິງເປົ້າຫມາຍ ແລະ ແກ່ນແທ້ຂອງອົງກອນຫລາຍຂື້ນ.

4. ທ່ານຄິດວ່າ ອິນຊາຍບໍລິການ ປະສົບຜົນສຳເລັດແລ້ວ ຫລື ຍັງ ? ແລະ ມີຜົນຕອບຮັບແນວໃດ ?

ຖ້າຈະໃຊ້ຄຳວ່າປະສົບຜົນສຳເລັດແລ້ວ ຫລື ບໍ່ ແມ່ນຍັງໄກຫລາຍ ເພາະວ່າອິນຊາຍຫາກໍ່ເປີດມາໄດ້ 5ປີ ຖ້າທຽບໃສ່ຄົນກໍ່ຄືຈະແມ່ນເດັກນ້ອຍທີ່ຫາກໍ່ເຕີບໃຫຍ່ ແລະ ອິນຊາຍກໍ່ກຳລັງເຕີບໃຫຍ່ຫ້າວຫັນສ້າງສັນຜົນງານຕໍ່ໄປ.

ສຳລັບຜົບຕອບຮັບໃນປະຈຸບັນນີ້ແມ່ນເບີ່ງຈາກຜົນງານ ແລະ ຄຸນນະພາບ, ລູກຄ້າເຮົາເພີ່ມຫລາຍຂື້ນກໍ່ແມ່ນຜົນຕອບຮັບຈາກລູກຄ້າທີ່ພຶງພໍໃຈໃນຄຸນນະພາບຂອງພວກເຮົາ.

5. ອະນາຄົດຕໍ່ຫນ້າມີການວາງແຜນແນວໃດ ?

ເຮົາຈະມີແຜນການຝຶກອົບຮົມບຸກຄະລາກອນ ຫລື ພາບຸກຄະລາກອນໄປເປີດຫູເປີດຕາຢູ່ຕ່າງປະເທດເພື່ອເປັນການພັດທະນາແນວຄິດເພື່ອບໍ່ໃຫ້ຢຸດຢູ່ບ່ອນເກົ່າ ແລະ ເລື່ອງຂອງການຝຶກອົບຮົມເຮົາກໍ່ຈະໄດ້ມີການຈ້າງຜູ້ທີ່ມີປະສົບການ ຫລື ບໍລິສັດທີ່ເປີດຝຶກອົບຮົມໂດຍສະເພາະທີ່ມາແຕ່ຕ່າງປະເທດມາເທຣນກັບພະນັກງານເຮົາໂດຍຕົງເພື່ອເປີດວິໄສທັດຂອງພະນັກງານໃຫ້ເຂົ້າໃຈອົງການກອນຫລາຍຂື້ນເພື່ອພາອິນຊາຍໄປໃຫ້ເຖິງເປົ້າຫມາຍ.

6. ມີຫຍັງຢາກຝາກເຖິງຜູ້ທີ່ຈະເຮັດທຸລະກິດນີ້ ?

ຖ້າເຮົາຢາກເຮັດທຸລະກິດໃດຫນື່ງເຮົາກະຕ້ອງມີແບບແຜນມີເປົ້າຫມາຍ ເປີດບໍລິສັດໃຜກໍ່ເປີດໄດ້ ເປັນເຖົ້າແກ່ໃຜກໍ່ເປັນໄດ້ ແຕ່ຈະເຮັດແນວໃດໃຫ້ທຸລະກິດຢູ່ລອດ ຈະເຮັດແນວໃດໃຫ້ອົງກອນພັດທະນາຢ່າງຍືນຍົງ ຂໍ້ນີ້ເປັນຂໍ້ສຳຄັນ, ດັ່ງນັ້ນຈື່ງຢາກໃຫ້ທ່ານສຶກສາຕະຫລາດໃຫ້ດີໆເສຍກ່ອນເພາະປະຈຸບັນຮ້ານປ້າຍແມ່ນເກີດຂື້ນຫລາຍ, ສຳລັບທ່ານໃດທີ່ຄິດຈະເປີດທຸລະກິດ ແລະ ຢາກປຶກສາເລື່ອງທຸລະກິດກ່ຽວກັບສື່ໂຄສະນາ ອິນຊາຍຍິນດີໃຫ້ຄຳປຶກສາ.

ທ່ານ ວິຊາທອນ ໂງ່ນວໍຣະຣາດ ຜູ້ບໍລິຫານ ອິນຊາຍ ບໍລິການ

ເບີໂທຕິດຕໍ່: 020 5632 5678

ທີ່ຢູ່: ບ້ານຄຳຮຸ່ງ, ເມືອງໄຊທານີ, ນະຄອນຫລວງວຽງຈັນ

 

 

 

 

Tags: #Insign service #ບໍລິການວ່ອງໄວ #ອິນຊາຍບໍລິການອອກແບບຕົບແຕ່ງພາຍໃນຜະລິດຕິດຕັ້ງປ້າຍ ແລະ ສື່ສິ່ງພິມຄົບວົງຈອນ #ທ່ານ ວິຊາທອນ ໂງ່ນວໍຣະຣາດ #ອິນຊາຍບໍລິການ

Share on your timeline:


ac_unit Our Sponsored

Leaving your resume

Create your Resume , we'll let employers find your resume so that will increase your opportunity to get job

mode_edit Create Now