ມຸມມອງຕໍ່ພາກທຸລະກິດ ໃນປີ 2019 ຂອງທ່ານ ອຸເດດ ສຸວັນນະວົງ ປະທານ ສຄອຊ

timer

remove_red_eye 0 views


cvConnect.la - ມຸມມອງຕໍ່ພາກທຸລະກິດ ໃນປີ 2019  ຂອງທ່ານ ອຸເດດ ສຸວັນນະວົງ ປະທານ  ສຄອຊ

 

           ປີ 2018 ການດໍາເນີນທຸລະກິດຂອງຜູ້ປະກອບການຂະແໜງການຕ່າງໆ ຖືວ່າຍັງມີຄວາມທ້າທາຍບໍ່ໜ້ອຍ ເນື່ອງຈາກໄດ້ຮັບຜົນກະທົບຈາກເສດຖະກິດໂລກ, ໄພທໍາມະຊາດພາຍໃນ ເຖິງວ່າລັດຖະບານຈະມີຫຼາຍມາດຕະການຕ່າງໆອອກມາເພື່ອກະຕຸ້ນເສດຖະກິດ ແຕ່ຂອດຈັດຕັ້ງປະຕິບັດຍັງບໍ່ທັນເອກະພາບ, ສ່ວນທ່າອ່ຽງການດໍາເນີນທຸລະກິດ ໃນປີ 2019 ຜູ້ປະກອບການມີຄວາມຫວັງຈະດີຂຶ້ນ ຖ້າຫາກບັນດາມາດຕະການຂອງພາກລັດຖືກຈັດຕັ້ງປະຕິບັດເປັນເອກະພາບກັນໃນລວງດຽວ.

 

 

          ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກຳແຫ່ງຊາດລາວ ( ສຄອຊ ) ກ່າວວ່າ: ກ່ອນຈະແກ້ໄຂສະພາບເສດຖະກິດພາຍໃນໄດ້ ອັນດັບທໍາອິດຕ້ອງແກ້ໄຂຂອດຫຍໍ້ທໍ້ໃນການດໍາເນີນທຸລະກິດ ເປັນຕົ້ນ: ຂອດບໍລິຫານເກື້ອກູນ, ຂອດການສໍ້ລາດບັງຫຼວງ ( ຄໍຣັບຊັນ ), ຂອດນະໂຍບາຍຕ່າງໆ. ພ້ອມນັ້ນ, ກໍໃຫ້ລະດົມການລົງທຶນຈາກຕ່າງປະເທດມາ ສປປ ລາວ ໃຫ້ຫຼາຍຂຶ້ນ ( ຜູ້ທີ່ເຮັດແທ້ທຳຈິງ ) ຜູ້ເຮັດການຜະລິດເພື່ອສົ່ງອອກ, ຜູ້ເຮັດການຜະລິດເພື່ອຍົກສະມັດຖະພາບກຳລັງແຮງງານ, ຜູ້ສ້າງລາຍຮັບໃຫ້ແກ່ລັດຖະບານ ອັນນີ້ເປັນສິ່ງທີ່ຕ້ອງໄດ້ເຮັດ ແລະ ສົ່ງເສີມແທ້ໆ; ສະເໜີລັດຖະບານເບິ່ງຄືນກ່ຽວກັບນັກລົງທຶນທີ່ໄດ້ໂຄງການໄປແລ້ວບໍ່ປະຕິບັດຕາມຂັ້ນຕອນແມ່ນໃຫ້ຍົກເລີກ; ຜ່ານມາແມ່ນມີການແກ່ຍາວເມື່ອໄດ້ໂຄງການມາແລ້ວກໍໄປຊອກຂາຍ ຖ້າຫາກຍັງເປັນແບບນີ້ນັກລົງທຶນລາຍໃຫຍ່ທີ່ມີຄຸນນະພາບ ແລະ ມີຄວາມພ້ອມອາດຈະຫັນໄປລົງທຶນຢູ່ປະເທດອ້ອມຂ້າງ ແທນທີ່ຈະມາລົງທຶນຢູ່ ສປປ ລາວ. ດັ່ງນັ້ນ, ລັດຖະບານຕ້ອງສະກັດກັ້ນການສໍ້ລາດບັງຫຼວງຢ່າງຈິງຈັງ ຖ້າເຮັດໄດ້ເມັດເງິນກໍຈະເຂົ້າມາ ສປປ ລາວ.

 

          ທ່ານກ່າວຕໍ່ອີກວ່າ: ໃນແງ່ຂອງການຄ້າສ່ວນໃຫຍ່ແມ່ນຕິດພັນກັບບັນດາປະເທດອາຊຽນ ແລະ ສະພາທຸລະກິດລຸ່ມແມ່ນ້ຳຂອງ ເປັນຕົ້ນ: ສປ ຈີນ, ໄທ ແລະ ຫວຽດນາມ. ດັ່ງນັ້ນ, ໃນການເຂົ້າເປັນສະມາຄົມເສດຖະກິດອາຊຽນ ເພື່ອສ້າງຜົນປະໂຫຍດຮ່ວມກັນ ແລະ ບໍ່ເຮັດໃຫ້ ສປປ ລາວ ເປັນໄດ້ພຽງທາງຜ່ານນັ້ນ ຕ້ອງໄດ້ແກ້ໄຂລະບົບໂລຈິສຕິກ ຫຼື ການຂົນສົ່ງ ເນື່ອງຈາກວ່າໂດຍພື້ນຖານພວກເຮົາຍັງບໍ່ທັນມີຄົບ ແລະ ສ້າງຈຸດປ່ຽນຖ່າຍສິນຄ້າໃຫ້ຫຼາຍ ( ປັດຈຸບັນມີຢູ່ແຕ່ເຂດເສດຖະກິດພິເສດ ສະຫວັນ – ເຊໂນ ) ໃຫ້ເປັນສູນກາງ ຈະເຮັດອຸດສາຫະກຳຂະຫຍາຍຢູ່ປະເທດເຮົາ ຖ້າບໍ່ມີຈຸດປ່ຽນຖ່າຍໝາຍຄວາມວ່າລາວຈະເປັນທາງຜ່ານ.

 

ຂໍ້ມູນຈາກ: ຂ່າວເສດຖະກິດການຄ້າ

Tags:

Share on your timeline:


ac_unit Our Sponsored

Leaving your resume

Create your Resume , we'll let employers find your resume so that will increase your opportunity to get job

mode_edit Create Now